Géarchló Ársa GC

Géarchló Ársa GC

Tá Géarchló GC bunaithe ar pheannaireacht an 17ú céad. Iarracht is ea é chun spiorad pheannaireacht na lámhscríbhinní, spiorad a bhfuil baint nach beag aige le mírialtacht na litreacha, a chaomhnú agus a chur in iúl i gcló a bhfuil rialtacht le brath ar na litreacha ann.

Cló traidisiúnta ornáideach is ea Géarchló GC.

Tá an cló seo códaithe de réir Unicode. Tabhair faoi deara, áfach, nach bhfuil le fáil sa chló seo ach na sean-fhoirmeacha fada de 'r' agus de 's'. Is féidir sampla de théacs a clóbhuaileadh leis an gcló seo a léamh má tá Acrobat Reader ar do ríomhaire agat.

Tá Géarchló Ársa, leagan 1.01, le fáil saor in aisce ach teachtaireacht á iarraidh a chur go dtí an seoladh ríomhphoist seo a leanas:
seoladh ríomhphoist
Bíodh 'Géarchló Ársa' luaite mar cheannteideal ar an teachtaireacht. Níor mhiste iarratas eile a dhéanamh muna bhfaightear freagra laistigh de sheachtain.