Caraċtair ṁalartaċa (MS Windows)
Tá malairtí stíle (stylistic alternates), nasclitreacha (ligatures) agus malairtí comhthéacsúla (contectual alternates) le fáil i gclónna áirithe i gcnuasach Ghaelchló agus beimid ag cur lena líon de réir a chéile. Ar an leathanach seo, léirítear conas is féidir teacht ar na carachtair mhalartacha seo in MS Word agus in LibreOffice Writer, dhá cheann de na feidhmchláir is mó a úsáidtear le MS Windows.
MS Word
Chun teacht ar charachtair mhalartacha in MS Word, téigh chuig Font agus ansin roghnaigh Advanced sa bhosca a osclóidh. Beidh tú in ann na nasclitreacha (A), malairtí stíle (B), agus/nó malairtí comhthéacsúla (C) atá uait a phiocadh, mar a fheictear sa léaráid thíos. Buail an cnaipe a bhfuil OK air chun an t-athrú a dhéanamh.
LibreOffice Writer
Is é an réamhshocrú in LibreOffice Writer go mbíonn malairtí comhthéacsúla agus nasclitreacha ar siúl go huathoibríoch; ní gá duit aon rud a dhéanamh lena gcur ar siúl.
Chun teacht ar mhalairtí stíle in LibreOffice Writer, téigh chuig Formáid ('Format') agus ansin chuig Carachtar ('Character'). Téigh chuig Cló ('Font') sa bhosca a osclóidh, roghnaigh an cló atá uait ón liosta, agus buail an cnaipe a bhfuil Gnéithe ('Features') air. Osclóidh bosca inar féidir leat ceann ar bith de na tacair stíle atá a le fáil i do rogha cló a phiocadh.
