Caschló GC

Caschló GC

Tá an cló seo bunaithe ar stíl litreacha a bhí coitianta i dtús ré na hathbheochana ag tús an 20ú céad. Cé nár gearradh cló sa stíl seo riamh, baineadh úsáid aisti sa phéinteáil, san eitseáil agus sa ghreanadh adhmaid le haghaidh comharthaí, fógraí, léaráidí agus earraí maisithe eile. Bhí ceannteideal an 'Claidheamh Soluis', nuachtán Chonradh na Gaeilge, ar cheann de na foinsí a ceadaíodh nuair a bhí Caschló á dhearadh agus braithim go gcuireann na litreacha greanta agus na ciútaí beaga casta orthu ré an 'chlapsholais Cheiltigh' i gcuimhne do léitheoirí an lae inniu (féach na léaráidí thíos).

Cló ornáideach is ea Caschló GC.

Tá Caschló GC códaithe de réir Unicode, an caighdeán idirnáisiúnta, agus tá na carachtair go léir ann léirithe anseo. Is féidir sampla de théacs a clóbhuaileadh leis an gcló seo a léamh má tá Acrobat Reader ar do ríomhaire agat.

Caschló GC

Más mian leat an cló a úsáid le do ríomhaire pearsanta, faigh an comhad casgc.zip (37 KB) ina bhfuil Caschló GC, leagan 4.000, mar chló TrueType.

Más mian leat an cló a úsáid ar leathanach gréasáin, faigh an comhad casw.zip (24 KB) ina bhfuil Caschló GC, leagan 4.000, sa Web Open Font Format (WOFF2).