Mionchló GC

Mionchló GC

Tá Mionchló GC bunaithe ar an stíl peannaireachta ar a dtugtar an mhionpheannaireacht inseach ('insular minuscule'), stíl a bhí in úsáid go coitianta ag grafnóirí na lámhscríbhinní Gaeilge anuas go dtí lár an 19ú céad. Is ar an stíl seo peannaireachta a bunaíodh an cló Gaelach.

Cló ornáideach lámhscríofa is ea Mionchló GC.

Eisíodh an chéad leagan de Mhionchló GC sa bhliain 2005. Tá leaganacha nua-aoiseacha de 'r' agus de 's' le fáil mar mhalairtí stíle (stylistic alternates) i leagan 3.000 den chló. Lena n‑úsáid, roghnaigh stylistic set 1:

Tá Mionchló GC códaithe de réir Unicode, an caighdeán idirnáisiúnta, agus tá na carachtair go léir ann léirithe anseo. Is féidir sampla de théacs a clóbhuaileadh leis an gcló seo a léamh má tá Acrobat Reader ar do ríomhaire agat.

Mionchló GC

Más mian leat an cló a úsáid le do ríomhaire pearsanta, faigh an comhad miongc.zip ina bhfuil Mionchló GC, leagan 3.000, mar chló OpenType.

Más mian leat an cló a úsáid ar leathanach gréasáin, faigh an comhad mionw.zip ina bhfuil Mionchló GC, leagan 3.000, sa Web Open Font Format (WOFF2).